ഗ്രീസിൽ ആതൻസിൽ നിന്നും തെസലോൻസ്കിയിലേക്ക് പോകുകയായിരുന്ന യാത്രാവണ്ടിയും ലാരിസയിലേക്ക് പോവുകയായിരുന്ന ചരക്കുവണ്ടിയും കൂട്ടിയിടിച്ച് 26 പേർ കൊല്ലപ്പെട്ടു. 85 പേർക്ക് പരിക്കേറ്റു. ഇടിയുടെ ആഘാതത്തിൽ നാലു ബോഗികൾ പാളം തെറ്റി. ആദ്യത്തെ രണ്ട് ബോഗികളും കത്തി നശിച്ചു. 250 യാത്രക്കാരെ രക്ഷിച്ചുവെന്ന് സുരക്ഷാസേന അറിയിച്ചു. ട്രെയിനിൽ 350 യാത്രക്കാർ ഉണ്ടായിരുന്നതായാണ് റിപ്പോർട്ട്. അപകടം ഭീകരമായിരുന്നെന്ന് ഗവർണർ പ്രതികരിച്ചു.