ഇസ്രായേൽ കൂട്ടക്കുരുതി തുടരുന്നു; പട്ടിണിയിൽ വലഞ്ഞ് വടക്കൻ ഗസ്സ

 

ഗസ്സ: ഇസ്രായേൽ കൂട്ടക്കുരുതി തുടരുന്ന ഗസ്സയിൽ പട്ടിണി പിടിമുറുക്കുന്നു. ഇസ്രായേലും ഫലസ്തീനും തമ്മിലുള്ള യുദ്ധം ​ഗസ്സയെ വാസയോഗ്യമല്ലാതാക്കുകയാണെന്ന് യുഎൻആർഡബ്ല്യുഎ റിപ്പോർട്ട് ചെയ്തു. ക്ഷാമം രൂക്ഷമായ സാഹചര്യത്തിൽ ഗസ്സയിലെ മുഴുവൻ ജനങ്ങൾക്കും സഹായം ആവശ്യമാണ് എന്ന് യുഎൻആർഡബ്ല്യുഎയുടെ ഡെപ്യൂട്ടി കമ്മീഷണർ ജനറൽ ബൗക്ലി പറഞ്ഞു. 

‘യുദ്ധത്തിന് മുമ്പ് 500 ട്രക്കുകളായിരുന്നു ​ഗസ്സയിലേക്ക് പ്രവേശിച്ചിട്ടുണ്ടായിരുന്നത്. എന്നാൽ ഇന്ന് അത് 37 ആയി കുറഞ്ഞിരിക്കുകയാണ്. ക്ഷാമം രൂക്ഷമായ സാഹചര്യത്തിൽ സാധനങ്ങൾ കൊള്ളയടിക്കാനുള്ള സാധ്യതയും ഉയർന്നുവരികയാണ്. ഈ സാഹചര്യത്തിൽ ഗസ്സയിലെ മുഴുവൻ ജനങ്ങൾക്കും സഹായം ആവശ്യമാണ്’ എന്ന് ബൗക്ലി പറഞ്ഞു. ഫലസ്തീനികൾക്കുള്ള ഭക്ഷണവുമായി എത്തിയ നൂറോളം ട്രക്കുകളാണ് അക്രമാസക്തമായി കൊള്ളയടിക്കപ്പെട്ടത്.