കാനഡയിലെ ഗസ്റ്റ് വര്‍ക്കര്‍ സ്‌കീമില്‍ ആധിപത്യം പുലര്‍ത്തി ഇന്റര്‍നാഷണല്‍ മൊബിലിറ്റി പ്രോഗ്രാം
By: 600002 On: Sep 14, 2024, 3:49 PM
ഫെഡറല്‍ സര്‍ക്കാരിന്റെ ഇന്റര്‍നാഷണല്‍ മൊബിലിറ്റി പ്രോഗ്രാമിനെ സംബന്ധിച്ച് കാനഡയിലെ ജനങ്ങള്‍ക്ക് വ്യക്തമായ അറിവില്ലെന്നത് നിരാശയുണ്ടാക്കുന്ന കാര്യമാണെന്ന് യൂണിയന്‍ നേതാവ് മാര്‍ക്ക് ഓള്‍സെന്‍. കാനഡയിലേക്ക് ഇപ്പോള്‍ ഏറ്റവും കൂടുതല്‍ കുടിയേറ്റക്കാരെ കൊണ്ടുവരുന്ന ഫെഡറല്‍ ഗസ്റ്റ് വര്‍ക്കര്‍ പ്രോഗ്രാമാണ് ഇന്റര്‍നാഷണല്‍ മൊബിലിറ്റി പ്രോഗ്രാം. ഈ പ്രോഗ്രാം വഴി ഇപ്പോള്‍ രാജ്യത്ത് ഒരു മില്യണിലധികം ആളുകള്‍ എത്തിയിട്ടുണ്ടെന്നാണ് കണക്കുകള്‍. അതിഥി തൊഴിലാളികളെ ചൂഷണം ചെയ്യുന്നതിന് ഈ പ്രോഗ്രാം തൊഴിലുടമകള്‍ ഉപയോഗിക്കുന്നുവെന്ന് ഓള്‍സെന്‍ പറയുന്നു. ഇത് കനേഡിയന്‍ തൊഴിലാളികളെ ദോഷകരമായി ബാധിക്കുന്നു.
കൂടുതല്‍ ചര്‍ച്ച ചെയ്യപ്പെടുന്ന താല്‍ക്കാലിക വിദേശ തൊഴിലാളികളുടെ പ്രോഗ്രാമിന്റെ നാലിരട്ടിയിലധികം അതിഥി തൊഴിലാളികളെ അന്താരാഷ്ട്ര മൊബിലിറ്റി പ്രോഗ്രാം ആകര്‍ഷിക്കുന്നുവെന്ന് ഓള്‍സെന്‍ പറയുന്നു. വിദേശ തൊഴിലാളി ചൂഷണം, വിവേചനം, ദുരുപയോഗം എന്നിവ കാനഡയില്‍ വര്‍ധിക്കുന്നുവെന്ന് അദ്ദേഹം പറയുന്നു. തൊഴില്‍ വിപണിയെ വളച്ചൊടിക്കുക, കനേഡിയന്‍ പൗരന്മാരുടെ വേതനം അടിച്ചമര്‍ത്തുക, സ്വദേശികളും സ്ത്രീകളും ഉള്‍പ്പെടെയുള്ള കനേഡിയന്‍ തൊഴിലാളികള്‍ക്ക് പരിശീലന അവസരങ്ങളും ജോലിയും നഷ്ടപ്പെടുക എന്നിവയും രാജ്യത്ത് തുടരുന്നുണ്ടെന്ന് അദ്ദേഹം ചൂണ്ടിക്കാട്ടി.