നാല് വർഷത്തെ സ്വയം പ്രവാസ ജീവിതത്തിന് ശേഷം നാട്ടിലേക്ക് മടങ്ങി പാകിസ്ഥാൻ മുൻ പ്രധാനമന്ത്രി നവാസ് ഷെരീഫ്

വരാനിരിക്കുന്ന തിരഞ്ഞെടുപ്പിലെ രാഷ്ട്രീയ തിരിച്ചുവരവിൻ്റെ ചർച്ചകൾക്ക് മുന്നോടിയായി നാല് വർഷത്തെ സ്വയം പ്രവാസ ജീവിതത്തിന് ശേഷം മുൻ പാകിസ്ഥാൻ പ്രധാനമന്ത്രി നവാസ് ഷെരീഫ് നാട്ടിലേക്ക് മടങ്ങി. ചില കുടുംബാംഗങ്ങൾ, മുതിർന്ന പാർട്ടി നേതാക്കൾ, സുഹൃത്തുക്കൾ എന്നിവർക്കൊപ്പം ചാർട്ടേഡ് വിമാനത്തിലാണ് ഷരീഫ് ദുബായിൽ നിന്ന് ഇസ്ലാമാബാദിലേക്ക് പറന്നത്. ഈ ആഴ്ച ആദ്യം, രാജ്യത്ത് തിരിച്ചെത്തുമ്പോൾ ഉടൻ അറസ്റ്റുചെയ്യുമെന്ന ഭീഷണി നീക്കി ഇസ്‌ലാമാബാദ് ഹൈക്കോടതി ചൊവ്വാഴ്ച വരെ ഷെരീഫിന് സംരക്ഷണ ജാമ്യം അനുവദിച്ചു. കഴിഞ്ഞ കുറച്ച് മാസങ്ങളായി പാകിസ്ഥാൻ മുസ്ലീം ലീഗ് ഈ തിരിച്ചുവരവ് ഉയർത്തിക്കാട്ടിയിരുന്നു. ഷെരീഫിൻ്റെ രാഷ്ട്രീയ സ്വാധീനം അതിൻ്റെ കൊടിയ ജനപ്രീതി പുനരുജ്ജീവിപ്പിക്കാൻ സഹായിക്കുമെന്നാണ് നേതാക്കളുടെ പ്രതീക്ഷ.