പി പി ചെറിയാൻ ഡാളസ് 

ഹൂസ്റ്റൺ :വരാനിരിക്കുന്ന ശൈത്യകാല കൊടുങ്കാറ്റും അപകടകരമായ ഡ്രൈവിംഗ് സാഹചര്യങ്ങളും കാരണം ചൊവ്വ, ബുധൻ ദിവസങ്ങളിൽ ക്ലാസുകൾ റദ്ദാക്കുന്നതായി ഹ്യൂസ്റ്റൺ ഐഎസ്ഡി ഞായറാഴ്ച പ്രഖ്യാപിച്ചു.തിങ്കളാഴ്ച മാർട്ടിൻ  ലൂതർ കിങ് ദിനം പ്രമാണിച്ചു സ്കൂളുകൾക്ക് അവധിയാണ് .

"എല്ലാ സ്കൂളുകളും ഓഫീസുകളും അടച്ചിരിക്കും, രണ്ട് ദിവസങ്ങളിലും സ്കൂളിന് മുമ്പോ ശേഷമോ യാതൊരു പ്രവർത്തനങ്ങളും ഉണ്ടാകില്ല," സംസ്ഥാന നിയമിത സൂപ്രണ്ട് മൈക്ക് മൈൽസ് ഒരു വീഡിയോയിൽ പറഞ്ഞു. "പ്രിൻസിപ്പൽമാർ, അസിസ്റ്റന്റ് പ്രിൻസിപ്പൽമാർ, സെൻട്രൽ ഓഫീസിൽ ജോലി ചെയ്യുന്ന എല്ലാ ഡയറക്ടർമാരും അതിനു മുകളിലോ ഉള്ളവരും, ക്യാമ്പസിന്റെയും ജില്ലാ ആവശ്യങ്ങൾ നിറവേറ്റുന്നതിനായി വീട്ടിൽ നിന്ന് ജോലി ചെയ്യാൻ പദ്ധതിയിടുക."

വാഷിംഗ്‌ടൺ ഡിസി: കുടിയേറ്റത്തെ പൂർണമായും ഒഴിവാക്കാനൊരുങ്ങി ഡൊണാൾഡ് ട്രംപ്. യുഎസ് പ്രസിഡന്റായി സത്യപ്രതിജ്ഞ ചെയ്യാനിരിക്കെയാണ് കുടിയേറ്റത്തിനെതിരെ കടുത്ത നടപടികൾ സ്വീകരിക്കുമെന്ന പ്രഖ്യാപനം നടത്തിയിരിക്കുന്നത്. സത്യപ്രതിജ്ഞ ചെയ്തുകഴിഞ്ഞ ആദ്യ ദിവസം തന്നെ വിദേശികളുടെ മേൽ കടിഞ്ഞാണിടുമെന്ന് ട്രംപ് നേരത്തെ തന്നെ അറിയിച്ചിരുന്നു. സ്ഥാനോഹരണത്തിന്  മുന്നേയുള്ള പ്രചാരണ പരിപാടിയിൽ പങ്കെടുക്കയാണ് ട്രംപ് ഇത് ആവർത്തിച്ചത്.

നാളെ സൂര്യൻ അസ്തമിക്കുന്നതോടെ നമ്മുടെ രാജ്യത്ത് കടന്നുകയറ്റം അവസാനിക്കുവാൻ പോകുന്നു. പ്രചാരണത്തിൽ പലതവണയും ട്രംപ് ഇത് തന്നെ ആവർത്തിച്ചു. യുഎസിന്റെ ചരിത്രത്തിൽ തന്നെ ഏറ്റവുമധികം ആളുകളെ കുടിയൊഴിപ്പിക്കാൻ പോവുകയാണ്. ഇതിന് കുറച്ചധികം  സമയമെടുക്കുകയും വലിയ ചിലവുകൾ ഉണ്ടാവുകയും ചെയ്യും. നമ്മുടെ രാജ്യത്ത് നിലനിൽക്കുന്ന ഓരോ പ്രതിസന്ധികളെയും ചരിത്ര വേഗത്തിൽ ഞാൻ പരിഹരിക്കും"- ട്രംപ് പറഞ്ഞു. 

അതേസമയം അമേരിക്കയുടെ നാല്പത്തിയേഴാമത്തെ പ്രസിഡന്റ് ആയി ഡൊണൾഡ് ട്രംപ് ഇന്ന് സ്ഥാനമേൽക്കും. ഇന്ത്യൻ സമയം രാത്രി പത്തരയ്ക്ക് ഔദ്യോഗിക ചടങ്ങുകൾക്ക് തുടക്കമാകും. പ്രതികൂല കാലാവസ്ഥ മൂലം,1985ന് ശേഷം ഇതാദ്യമായി ക്യാപിറ്റോൾ മന്ദിരത്തിന് അകത്താണ് ചടങ്ങുകൾ നടക്കുക. ട്രംപിൻ്റെ സത്യപ്രതിജ്ഞയ്ക്ക് സാക്ഷികളാകാൻ നിരവധി ലോകനേതാക്കളും അമേരിക്കയിലെത്തും. ഇന്ത്യയെ പ്രതിനിധീകരിച്ച് കേന്ദ്ര വിദേശകാര്യമന്ത്രി എസ് ജയശങ്കർ  
സത്യപ്രതിജ്ഞ ചടങ്ങിൽ പങ്കെടുക്കും.